企業都可製作WhatsApp貼圖?

divide

個案分享・12月, 2018

企業都可製作WhatsApp貼圖? whatsapp sticker

近日WhatsApp推出貼圖功能,引起一股貼圖熱潮。除左網上流傳各式各樣嘅貼圖包,好多網民都紛紛推出自製貼圖,輕輕搜尋一下就搵到好多自製貼圖教學。而民建聯同陳凱欣都和應潮流推出個人化貼圖拉票,點解企業唔把握呢個機會推出自家貼圖,借機宣傳自己呢?

讓用家主動幫企業做宣傳

相比起一般廣告,企業貼圖化被動為主動,吸引用家自發下載和使用貼圖,從而「主動」宣傳企業信息。呢種宣傳手法有別一般硬銷式廣告嘅突兀,用家甚至可能察覺唔到自己幫企業做緊宣傳添。

拉近用家距離

貼圖被應用喺日常對話中,某啲包含日常話語嘅貼圖更會一用再用, 可想而知曝光率會有幾高。除此之外,企業貼圖更大大拉近企業同用家之間嘅距離,即使係一啲唔常見既品牌,都可以透過貼圖變得「親民化」,從而增加用家同企業嘅接觸頻率。

別樹風格,撇除利益關係

正因為WhatsApp貼圖提倡嘅係靈活性同趣味性,所以貼圖基本上會避免同金錢或者利益扯上關係。故此,用家接收企業貼圖時唔會因為其商業性而拒絕使用。

設計貼圖注意事項

首先要留意嘅係唔好為左突出品牌,而將商標放到好大,一嚟顯得突兀,二嚟會引起用家反感。其次,選用較常用嘅字眼、表情或動作能夠提升用戶的使用頻率。

點將貼圖發放?

企業最忠實嘅支持者非公司員工莫屬,貼圖嘅發放當然應該由員工開始,由家人到朋友,一傳十,十傳百, 好快就可以將貼圖包傳開去。除此之外,網上都有好多唔同嘅貼圖下載平台,只要將貼圖上傳到平台,用家就可以自行下載同使用。

把握製作貼圖好時機

利用貼圖宣傳效益大,企業點解唔考慮自製番一套WhatsApp貼圖,借住呢股貼圖潮宣傳自己呢?適逢聖誕,更加係推出節慶貼圖嘅好時機,加上聖誕祝賀語,好過互發「長輩圖」!