點解要有「雙重認證」?

個案分享 • 11月, 2018

上月月尾傳出國泰航空公司隱瞞洩漏客戶資料醜聞,大量客戶私隱於半年前被不當取覽,其中包括信用卡資料、護照號碼及過往飛行記錄等重要個人資料。事實上,網上資料外洩已經唔係咩新鮮事,除左大公司受影響外,分分鐘你同你身邊嘅親友都可能有遇過,例如不時都有朋友 WeChat/Whatsapp 懷疑被盜用之類,但其實基本嘅保安措施你又有冇做好?

甚麼是「雙重認證」?

各大社交平台、電郵帳戶和通訊軟件都設有雙重認證功能,提供用戶第二重驗證步驟,即使駭客獲取到你個人密碼,都唔能夠登入你帳戶,令登入更安全。

曾有客戶求助因為冇為社交媒體設定「雙重認證」,導致帳戶被盜取,仲上傳埋一啲不雅既圖片。呢個情況唔單止毀壞公司形象,更可能觸犯私隱條例!

使用「雙重認證」加強保安

其實設置「雙重認證」好簡單,各大網站的設定都大同小異,只要根據以下幾個簡單步驟就輕鬆完成。

以Facebook為例,

  • 進入帳戶設定→安全及登入→雙重認證

  • 輸入手提電話號碼

用新裝置登入時,

  • 輸入個人密碼

  • 查看手機短訊(系統會自動傳送一個含六位數字號碼既短訊到手機)

  • 輸入短訊中四或六位數字驗證碼

網絡保全要做足!

除社交媒體外,電子信箱安全亦不容忽視。曾有客戶因為電子郵箱被盜用,導致所有信件都被駭客刪除,而向我們求助。 事實上,除左社交媒體,電子信箱、甚至係WhatsApp,都可以設置「雙重認證」。為保障客戶資料,Gmail商務電郵服務仲提供更安全而方便易用嘅企業專用電子郵件服務,連登出登入同乜野IP都可以檢查到。有興趣知道更多詳情,或想了解你現時公司各平台安全與否,請即時同我地專業團隊查詢啦。